MEDIAVRYSTELLING

Die immergewilde SA Kaasfees is onlangs deur die Exhibition & Event Association  of Southern Africa (EXSA) vereer met die �Beste uitstalling van die Jaar� toekenning  vir Suiderlike Afrika in die Handel- en Verbruikerskategorie vir uitstallings  groter as 12 000m�. Die Kaasfees het vanjaar meegeding met bekende uitstallings  soos Decorex Johannesburg en Homemakers Fair.

Die EXSA deelnemers word in agt kategorie� volgens streng kriteria beoordeel  wat onder andere die grootte van die uitstalling en die kwaliteit ervaring  wat besoekers het, in aanmerking neem. Die doel van die toekennings is om die  impak van die uitstallingsmedium onder verbruikers en uitstallers tuis te bring  en bewustheid te kweek vir die belangrikheid van hoogstaande diens binne die  bedryf.

�Die prestasie is soveel te meer noemenswaardig weens die feit dat Agri-Expo �n  landbougenootskap is wat landbou, inlsuitend die suiwelbedryf, bevorder,� meen  Johan Ehlers, Hoof Uitvoerende Beampte van Agri-Expo. �Deel van die SA  Kaasfees se sukses l� in die feit dat die fees getrou bly aan sy tema  en fokus. Die fees vind weer plaas van 25-28 April 2008.�

Nota aan redakteurs: Agri-Expo is �n landbou- en verwante organisasie  wat hom sedert 1831 daarop toespits om die beeld van landbou in die Wes-Kaap  te bevorder. Besoek www.agriexpo.co.za of www.cheesefestival.co.za vir  verdereinligting.

Uitgereik deur    
  Marlene Truter Communications
  Kontak: Marlene Truter
  Tel 021 424 8190 / 083 294 6060
  [email protected]

Namens    
  Agri-Expo
  Kontak: Mariana Rabie
  Tel (021) 975 4440 / 082 871 1114
  [email protected]